У Маскве памерла ўдава Юрыя Нікуліна
8- 26.10.2014, 17:58
- 27,122
У Маскве на 86-м годзе жыцця памерла ўдава Юрыя Нікуліна - Таццяна Нікуліна.
Пра гэта ТАСС паведаміў іх сын - дырэктар маскоўскага цырка на Каляровым бульвары Максім Нікулін.
З ягоных слоў, апошнія месяцы Таццяна Мікалаеўна цяжка хварэла, а нядаўна перанесла інсульт. Развітанне з артысткай адбудзецца а 11:00 у цырку на Каляровым 28 кастрычніка.
Таццяна Нікуліна (дзявочае прозвішча Пакроўская) нарадзілася 14 снежні 1929 г. у Маскве. Вучылася ў Ціміразеўскай акадэміі. З 1951 да 1981 працавала ў цырку на Каляровым бульвары разам з Юрыем Нікуліным (пазнаёміліся ў 1949 годзе, праз паўгода пажаніліся) і Міхаілам Шуйдзіным, піша Lenta.ru.
Сярод вядомых рэпрыз з удзелам Нікуліна - «Ружы і шыпы», «Яблык», «Бервяно», «Паненка і хуліган».
Пасля завяршэння выступленняў на манежы яна дзесяць гадоў займалася сабакагадоўляю. У 1997 годзе, пасля скону мужа, Таццяна Нікуліна стала кансультантам у творчых пытаннях цырка на Каляровым бульвары. У 2002 годзе ўзнагароджана ордэнам Пашаны.