На ВДНГ у Маскве касатак трымаюць у паліўных цыстэрнах
12- 26.10.2014, 19:34
- 16,458
Цыстэрны, у якіх знайшлі касатак, з'явіліся ў ангары на тэрыторыі ВДНГ яшчэ дзесяць месяцаў таму.
У верасні 2014 стала вядома, што касаткі, для якіх да 2015 года пабудуюць акіянарыум, пакуль знаходзяцца на Далёкім Усходзе, а ў Маскву іх прывязуць да адкрыцця. У прэс-службе ВДНГ заявілі, што часовыя ангары патрэбныя для таго, каб абслугоўваць інжынерыю і камунікацыі падчас іх рэканструкцыю. Між тым, прадстаўнікі цэнтра абароны правоў жывёл «Віта» кажуць, што побач з ангарам можна пачуць галасы касатак і воплескі вады, паведамляе тэлеканал «Дождь».
«Як пяціметровыя кіты могуць размяшчацца ў цесных іржавых цыстэрнах, прызначаных хутчэй для захоўвання паліва, ды і яшчэ і цягам года? Гэта ж фактычна замуроўванне жыўцом», - падкрэслілі ў «Віце»
Прэзідэнтка цэнтра абароны правоў жывёл Ірына Наважылава 30 верасня заявіла ў паліцыю аб жорсткім абыходжанні з жывёламі. Супрацоўнікі праваахоўных органаў таксама знайшлі касатак, аднак запэўнілі, што жывёлы знаходзяцца пад самым строгім ветэрынарным кантролем сямі дыпламаваных ветэрынараў і пяці трэнераў з захаваннем умоў утрымання» і адмовілі ў распачынанні крымінальнай справы.