Расея назвала выбары ва Украіне «бруднымі», але прызнала іх
21- 27.10.2014, 11:19
- 16,595
Мінулыя пазачарговыя выбары ў Вярхоўную Раду ў Маскве прызналі.
Пра гэта сказаў «Интерфаксу» у панядзелак намеснік кіраўніка МЗС РФ Рыгор Карасін.
«Мы чакаем афіцыйнага падвядзення вынікаў, пакуль ідуць даволі супярэчлівыя звесткі. Але ўжо цяпер ясна, што выбары, нягледзячы на даволі жорсткую і брудную кампанію, адбыліся», - падкрэсліў ён.
«Той расклад сілаў, які пакуль вымалёўваецца, напэўна, дазваляе кіраўніцтву Украіны сур'ёзна заняцца развязваннем галоўных праблем свайго грамадства», - адзначыў ён.
З ягоных слоў, у новай Вярхоўнай Радзе неабходна будзе «наладзіць інклюзіўны дыялог з усім грамадствам, выйсці на прамыя кантакты з прадстаўнікамі рэгіёнаў і імкнуцца да дыпламатычнага развязвання праблем, да якіх прывялі дзеянні Кіева».
Раней у Дзярждуме таксама заявілі, што паважаюць выбар тых, хто браў удзел у выбарах у Вярхоўную Раду і хочуць супрацоўнічаць з тымі дэпутатамі, якія настроены на канструктыўныя стасункі.
Фота: Getty Images