«Ашчадбанк» рэкамендуе запаволіць рост заробкаў у Беларусі

Інфляцыя ў Беларусі ў 2014 годзе складзе 18%, для зніжэння тэмпаў росту спажывецкіх коштаў неабходна запаволіць рост заробкаў.

Такія ацэнкі прыводзяцца ў кастрычніцкім аглядзе эканамічнай сітуацыі ў СНД, які падрыхтавалі аналітыкі кампаніі Sberbank CIB (інвестыцыйнае падраздзяленне расейскага «Ашчадбанка»), паведамляе БелаПАН.

«Інфляцыя з пачатку года склала 13,4%, і мы мяркуем, што паводле вынікаў года яна дасягне 18%. Нядаўняе змякчэнне грашова-крэдытнай палітыкі ўзмацніла інфляцыйныя рызыкі, і ў 2015 годзе інфляцыя, верагодна, таксама не замарудзіцца», - прагназуюць аўтары агляду.

Эканамісты рэкамендуюць запаволіць рост заробкаў у Беларусі для зніжэння інфляцыйных працэсаў.

«Рэальныя даходы насельніцтва раслі тымі ж тэмпамі, што і прадукцыйнасць працы, і «празмерны» намінальны рост нівеліраваннай інфляцыі. Усё гэта дазваляе зрабіць вельмі простая выснова: для зніжэння інфляцыі і памяншэння ціску на беларускі рубель неабходна, каб запаволіўся рост намінальнай заработнай платы», - гаворыцца ў квартальным аглядзе.

Згодна з прагнозам інвестыцыйнага падраздзялення расейскага «Ашчадбанка», інфляцыя ў Беларусі ў 2015 годзе можа скласці 17% і знізіцца ў параўнанні з прагназаваным узроўнем 2014-га на 1 адсоткавы пункт.

Нагадаем, праект Асноўных напрамкаў грашова-крэдытнай палітыкі на 2015 год, які падрыхтаваў Нацбанк, мяркуе зніжэнне інфляцыі на лета да 11%. Варта адзначыць, што ў афіцыйны прагноз беларускіх уладаў на 2014 закладалася зніжэнне інфляцыі да 12%. Разам з тым паводле вынікаў за студзень-верасень інфляцыя ў Беларусі ўжо склала 13,4%.

На думку расейскіх эканамістаў, змякчэнне грашова-крэдытнай палітыкі, на якую пайшоў Нацбанк Беларусі сёлета, можа спрыяць захаванню высокіх тэмпаў інфляцыі. Эксперты звяртаюць увагу, што грашовыя ўлады пайшлі на зніжэнне адсоткавых ставак крэдытаў, што ўжо выклікала рост грашовай масы.

«За студзень-верасень 2013 грашовая маса ў Беларусі павялічылася на 24% (у параўнанні з пачаткам года), тады як за студзень-верасень 2014 г. - на 16,8%. У трэцім квартале 2014-га гадавы рост грашовай масы паскорыўся», - канстатуюць аналітыкі Sberbank CIB.

У гэтай сувязі эксперты адзначаюць, што «празмерны рост грашовай масы традыцыйна суправаджаецца павышэннем інфляцыі, што можа прывесці да ўзнікнення новых дысбалансаў».