Выбары ў Раду: колькі галасоў набралі вядомыя мажарытаршчыкі

У парламент Украіны праходзіць мноства вядомых палітыкаў у мажарытарных акругах.

У Вінніцкай вобласці ў акрузе №12 упэўнена перамагае сын прэзідэнта Аляксей Парашэнка. У яго пакуль 65,9% галасоў, піша bigmir.net.

У Днепрапятроўскай вобласці ў акрузе №27 лідэруе Барыс Філатаў, намеснік кіраўніка Днепрапятроўскай АДА Ігара Каламойскага. У яго на гэты момант 55,98%.

Таксама на Днепрапятроўшчыне ў акрузе №39 перамагае лідар Правага сектара Дзмітрый Яраш. У яго 29% галасоў.

У Данецкай вобласці, дзе, як вядома, выбары праходзілі не ўсюды, лідэруе ў акрузе №45 Яфім Звягельскі (72,7%) у суседняй №46 - яшчэ адзін экс-рэгіянал Сяргей Клюеў (43,4%).

У 58-й акрузе Данецкай вобласці больш за ўсё галасоў набірае Сяргей Тарута, былы губернатар Данецкай вобласці (58,3%).

На роднай Жытоміршчыне перамагае экс-спікер Уладзімір Літвін (акруга №65, 42% галасоў).

У Закарпацкай вобласці перамагаюць тры браты Балогі - у акрузе №69 лідэруе Віктар Балога (64%), у 71-й - Павел Балога, у 73-й - Іван Балога.

У Кіраваградскай акрузе №101 перамагае «рэктар, які спявае», Міхаіл Паплаўскі, а ў суседняй 102-й скандальны экс-сакратар Кіеўскай рады Алесь Доўгі. Аднак у акрузе Доўгага вынікі выбараў могуць скасаваць праз мноства парушэнняў.

У Луганскай вобласці ад акругі №106 праходзіць у Раду Яўген Бакулін з Апазіцыйнага блока (44,8%).

У Львоўскай вобласці ў 122-й акрузе перамагае знакаміты «сотнік Майдана» Уладзімір Парасюк з 54%.

У суседняй 124-й ідзе першым былы міністр аховы здароўя Алег Мусій.

У Адэскай вобласці ад акругі 135 праходзіць у Раду Сяргей Ківалаў, а ад 140-й - Давід Жванія.

У Харкаўскай вобласці ў акрузе №178 перамагае Дзмітрый Добкін, брат скандальнага экс-губернатара (35%).

У Хмяльніцкай вобласці перамагае ў акрузе №192 муж экс-сакратаркі Кіеўскай рады Галіны Герэгі Сяргей Герэга.

У Кіеве ў 213-й акрузе лідэруе спікер Правага сектара Барыслаў Бяроза.

Нагадаем, паводле вынікаў апрацоўкі 45,33% пратаколаў УВК, першае месца на пазачарговых парламенцкіх выбарах - у партыі «Народны фронт» - 21,62%. Партыя «Блок Пятра Парашэнкі» набірае 21,47%, «Самопомич» - 11,14%, «Апазіцыйны блок» - 9,76%, Радыкальная партыя Алега Ляшко - 7,36%, «Бацькаўшчына» - 5,71%. Астатнія партыі і блокі паводле вынікаў апрацоўкі гэтай колькасці пратаколаў не пераадольваюць 5% бар'ер.