Рэкордны «мікрадом» у Лондане прададзены за 450 тысяч даляраў

Плошча мікрадома - 17,5 кв. м.

Былая кветкавая крама ў Іслінгтоне, Паўночны Лондан, якая ўважаецца за самы маленькі дом Вялікай Брытаніі, пасля шквалу запытаў знайшла новага гаспадара за 275.000 фунтаў стэрлінгаў (450 тысяч даляраў).

Мініяцюрнае жыллё, чыя плошча напалову менш вагона цягніка, выклікала вялікую цікавасць у патэнцыйных пакупнікоў і было прададзенае за заяўленую ў аб'яве суму, піша Prian.ru.

Плошча мікрадому - 17,5 кв. м - роўная адной пятай велічыні сярэднестатыстычнай новай кватэры ў Лондане, аднак тут маюцца ўсе атрыбуты сучаснай кватэры: спальня, кухня, гасцёўня і малюсенькая ванная. Аб'ява аб продажы выклікала вялікую цікавасць: на парталах Rightmove і Zoopla яе наведала больш за 220 тысяч чалавек, дзякуючы чаму жыллё стала самым папулярным аб'ектам нерухомасці Вялікай Брытаніі ў гэтым годзе. Пасля шквалу запытаў і прапаноў дом у Іслінгтоне лёгка знайшоў новага гаспадара.

Са слоў агента нерухомасці Хэміша Алана з кампаніі Winkworth, гэты аднамесны дом стаў унікальнай прапановай, на працягу трох тыдняў ён карыстаўся шалёнай папулярнасцю, паведамляе The Telegraph.

Агенцтва не паведамляе, якім быў канчатковы кошт продажу, аднак ён наўрад ці апусціўся ніжэй за суму, названую ў аб'яве. Варта адзначыць, што, паводле звестак Зямельнага кадастру, сярэдні кошт дома на адну сям'ю ў Вялікай Брытаніі роўны заяўленаму кошту лонданскай «скрынкі».