Загад: «вылічыць» усіх «дармаедаў» да 1 снежня
148- 27.10.2014, 15:40
- 82,389
У Магілёўскай вобласці возьмуць пад кантроль нідзе не працуючых грамадзян.
Як паведаміў сёння, 27 кастрычніка, старшыня Магілёўскага аблвыканкама Пётр Руднік, гэту работу неабходна правесці максімальна аператыўна і «валодаць сітуацыяй ужо да 1 снежня».
З даручэння губернатара, на працягу лістапада будзе праведзены маніторынг беспрацоўных у раёнах і гарадах вобласці. Адпаведныя службы возьмуць пад кантроль непрацуючых грамадзян, паведамляе БелТА.
На думку Пятра Рудніка, многія беспрацоўныя, як правіла, «вядуць асацыяльны лад жыцця, чым дастаўляюць нямала праблем у сваіх рэгіёнах». У сувязі з гэтым выканаўчая, праваахоўная ўлада, а таксама саветы зоймуцца так званым перапісам «дармаедаў» і прымуць меры ў арганізацыі іх працаўладкавання.
Нагадаем, МУС Беларусі прапанавала ў дачыненні «дармаедаў» ўвесці асаблівы від пакарання. За адмову працаваць іх хочуць штрафаваць ці нават арыштоўваць.