Джордж Клуні паўторна адгуляў вяселле ў Вялікабрытаніі

Джордж Клуні і Амаль Клуні (да замужжа Аламудзін) паўторна згулялі вяселле ў Вялікабрытаніі ў мінулыя выходныя.

Пра гэта паведамляе Lenta.ru са спасылкай на Hello. На мерапрыемстве, якое прайшло на поўдні графства Бакінгемшыр, прысутнічалі блізкія сябры і чальцы сям'і.

Святкаванне прайшло ў пяцізоркавым гатэлі Danesfield House Hotel and Spa, размешчаным у ваколіцах вёскі Джэрардс Крос, дзе нарадзілася і правяла дзяцінства Амаль. Паведамляецца, што ініцыятарамі мерапрыемства выступілі яе бацькі Барыя і Рамзі Аламудзін.

На вячэры гасцям падавалі стравы з качынай грудкі, смажаных ялавічных рэбраў і філе ягняці. Таксама ў меню значыліся кактэйлі «яе» (на аснове лікёру з маракуі) і «яго» (на аснове тэкілы).

Адвакат Амаль Аламудзін згуляла вяселле з акцёрам Джорджам Клуні ў канцы верасня ў Венецыі. Пара заручылася ў красавіку 2014 года.

36-гадовая Амаль Аламудзін скончыла Оксфардскі універсітэт і юрыдычную школу ў Нью-Ёрку. У 2011 годзе яна стала адвакатам заснавальніка WikiLeaks Джуліяна Асанжа. У кампаніі 52-гадовага Клуні яе ўпершыню ўбачылі ў Лондане ў кастрычніку 2013 года, аднак тады пара адмаўляла свае адносіны.

Фота: AP