Маскоўскі суд падоўжыў арышт Саўчанка да 13 лютага

Басманны суд Масквы падоўжыў тэрмін арышту ўкраінскай ваеннаслужачай Надзеі Саўчанка да 13 лютага.

Пра гэта паведамляе ТАСС.

"Разгледзеўшы пададзеныя матэрыялы і выслухаўшы довады бакоў, суд прыходзіць да высновы, што хадайніцтва следчага аб прадаўжэнні Саўчанка меры стрымання ў выглядзе ўтрымання пад вартай да 13 лютага падлягае задавальненню", - гаворыцца ў пастанове суддзі.

Тэрмін следства ў справе Саўчанка таксама падоўжаны да 13 лютага 2015.

Суд не ўбачыў падстаў для змены ўкраінцы меры стрымання. На думку следства, знаходзячыся на волі, Саўчанка можа схавацца. У сувязі з гэтым суддзя Лявашава адмовіла абароне ў вызваленні Саўчанка пад заклад. Таксама ў пастанове суда адзначана, што за 3 месяцы і 14 дзён, на якія падоўжаны арышт Саўчанка, следства мае намер правесці вялікі аб'ём следчых дзеянняў у справе.