З падачы Microsoft у Беларусі пакаралі кампутарных піратаў

Паводле заявы Microsoft былі праведзеныя некалькі праверак законнасці выкарыстання праграмнага забеспячэння.

Пра гэта сёння падчас круглага стала ў прэс-цэнтры БелТА паведаміла юрыдычны прадстаўнік Microsoft у Беларусі Святлана Валуева.

У ліпені гэтага года Microsoft пачатыя актыўныя дзеянні, вынікам якіх стала падача адпаведных заяў у дачыненні да некалькіх менскіх кампаній аб парушэнні аўтарскіх праў. "Усё гэта пасля таго, як перамовы і папярэджанні не прывялі да станоўчага выніку", - сказала Святлана Валуева.

"Вельмі важна адзначыць, што Microsoft прадаўжае свае кампаніі ў папярэджанні патэнцыйных парушальнікаў, якія ўключаюць у тым ліку інфармацыйную рассылку лістоў, ініцыяцыю праверак, а таксама навучальнае інфармаванне з мэтай абвесткі бізнесу аб тых прававых рызыках і рызыках бяспекі, якія цягне за сабою неліцэнзійнае ПА", - дадала яна.

Microsoft па ўсім свеце паспяхова супрацоўнічае з цэлым шэрагам праваахоўных органаў пры правядзенні тэхнічнай экспертызы. У Microsoft ёсць і некалькі судовых лабараторый, якія падаюць інфармацыю праваахоўным органам і судам пры разглядзе спраў парушэння аўтарскіх праў. У кампаніі мяркуюць, што праваахоўныя органы ў Беларусі, у прыватнасці органы ўнутраных спраў, разумеюць важнасць абароны аўтарскіх праў. Імі ўжо праведзена некалькі паспяховых кампаній.

Паводле заявы Microsoft органы дазнання правялі некалькі праверак законнасці выкарыстання праграмнага забеспячэння, у выніку якіх арыштаваныя кампутары, на якіх ўстаноўлена неліцэнзійнае ПА. Вядзецца адміністрацыйны працэс. "Microsoft і далей будзе рабіць спробы ў папярэджанні парушэнняў і навучання, а таксама прадоўжыць актыўную абарону сваіх правоў усімі даступнымі законнымі спосабамі", - падкрэсліла Святлана Валуева.