Новая Зеландыя правядзе рэферэндум аб змене сцяга
1- 29.10.2014, 9:43
- 7,120
У Новай Зеландыі праз два гады адбудзецца рэферэндум аб змене нацыянальнага сцяга.
Пра гэта абвясціў прэм'ер-міністр краіны Джон Кей, паведамляе BBC.
Працэдура пройдзе ў два этапы. У канцы наступнага года грамадзяне будуць выбіраць новы дызайн сцяга з некалькіх варыянтаў, якія ў сваю чаргу абярэ камісія з вядомых новазеландцаў.
На другім этапе, які запланаваны на 2016 год, жыхарам краіны трэба будзе выбраць, ці зрабіць абраны годам раней сцяг афіцыйным або захаваць стары.
У камітэт, які будзе адказваць за падрыхтоўку да рэферэндуму, увойдуць па адным прадстаўніку ад усіх палітычных партыяў краіны.
Цяперашні сцяг Новай Зеландыі ўяўляе сабой сіняе палотнішча з брытанскім «Юніён Джэкам» у левай верхняй чвэрці і чатырма чырвонымі зоркамі з белай акантоўкай у правай частцы.
Са слоў Кея, новы сцяг будзе ў большай ступені даваць уяўленне аб Новай Зеландыі. Крытыкі цяперашняга сцяга кажуць, што яго лёгка пераблытаць з дзяржаўнымі сімваламі іншых былых брытанскіх калоній - у прыватнасці, Аўстраліі, сцяг якой амаль ідэнтычны Новазеландскім.