Палова расейцаў вераць у паўтарэнне масавых рэпрэсій

І толькі чвэрць мяркуюць, што яны не паўторацца.

Амаль палова расейцаў дапускаюць паўтарэнне масавых палітычных рэпрэсій 1930-х гадоў. Пра гэта паведамляе газета «Коммерсант» са спасылкай на вынікі апытання Фонду грамадскай думкі (ФГД).

Сацыёлагі адзначаюць, што 48 адсоткаў расейцаў мяркуюць, што пры іх жыцці могуць паўтарыцца палітычныя рэпрэсіі, аналагічныя тым, што праводзіліся ў часы СССР. Чвэрць расейцаў ўпэўненая, што рэпрэсіі не паўторацца.

На думку аналітыка ФОМ Рыгора Кертмана, гэта не кажа пра запалоханасць насельніцтва. «Людзі проста ведаюць, што ўсё магчыма, і маюць нейкае ўяўленне аб айчыннай гісторыі. Грамадзяне не заракаюцца ад торбы і ад турмы, і правільна робяць», - кажа ён.

У сваю чаргу, як адзначае, супрацоўніца Інстытута сацыялогіі РАН Лявонція Бызова, многія расейцы мяркуюць, што рэпрэсіі «не толькі магчымыя, але і патрэбныя». «Яны неабавязкова маюць на ўвазе палітычныя рэпрэсіі, але гатовыя ўжыць жорсткія меры супраць карупцыянераў або парушальнікаў грамадскага парадку, - кажа сацыёлаг. - Людзі настроеныя на жорсткае падаўленне ворагаў, нейкая частка грамадства асцерагаецца гэтага, іншая мяркуе, што інакш як рэпрэсіямі парадку не навесці».

Між тым, паводле звестак ФОМ, 16 адсоткаў расейцаў перакананыя, што ў 1930-х гадах не было палітычных рэпрэсій.