Менск ахутаў смог
68- 29.10.2014, 10:27
- 54,909
Жыхары беларускай сталіцы скардзяцца на пах гару.
Пра гэта паведамляюць у сацыяльных сетках менчукі з Кунцаўшчыны, Зялёнага луга, Серабранкі, Малінаўкі.
И что такое могло сгореть, чтобы прогонялся весь Минск гарью? Аж в комнате запашек стоит... О.о
— Любовь (@LadyMillion999) 29 октября 2014
МНС у сваім мікраблогу ў «Твітэры» сцвярджае, што нічога ў ваколіцах горада не гарыць, а ва ўсім вінаватае ціхае надвор'е.
Ни в Минске, ни в Минском районе ничего не горит/не горело. Возможная причина смога (со слов экологов) - полное отсутствие ветра за сутки.
— 112.by МЧС Беларуси (@112by) 29 октября 2014
Паводле сведчанняў чытачоў onliner.by, гарам пахне не толькі ў сталіцы: «У Рудзенску з панядзелка дымам пахне, сёння смог. Накшталт тарфянікі гараць», «У Віцебску таксама пахне», «У Маладзечне таксама» , «Я з Салігорску, і ў нас ужо 4-ты дзень па начах горад зацягвае дымам. Днём таксама прысутнічае смуга ва ўсім раёне. Па паху падобна на гарэнне торфу. Верагодна, гэта з Гомельскай вобласці нясе».
У службе «101» паведамілі, што прычынай нетыповага для Менска смогу магло стаць узгаранне тарфянікаў у абласцях. Аднак гэта інфармацыя неафіцыйная.
Гігіенічным нарматывам адпавядаюць 98% пробаў атмасфернага паветра ў Менску, піша БелТА. Разам з тым у сталіцы застаецца актуальным забруджванне атмасфернага паветра рэчывамі, якія ўваходзяць у склад выкідаў аўтатранспарту. Эпізадычна рэгіструецца падвышаная забруджанасць паветра фармальдэгідам паблізу магістраляў з інтэнсіўным рухам.