«Блок Пятра Парашэнкі» прэзентаваў праект пагаднення аб кааліцыі
4- 29.10.2014, 11:25
- 5,729
«Блок Пятра Парашэнкі» перадаў дакумент партыям «Народны фронт» і «Самадапамога».
На сайце «Блока Пятра Парашэнкі» з'явіўся тэкст кааліцыйнага пагаднення, які прэзідэнцкая партыя прапануе падпісаць Народнаму фронту і Аб'яднанню Самадапамога.
«Партыя Блок Пятра Парашэнкі прапануе праект кааліцыйнага пагаднення. Гэты дакумент мы перадалі палітычнай партыі Народны фронт і палітычнай партыі Аб'яднанне Самадапамога. Мы публікуем праект кааліцыйнага пагаднення для ўсеагульнага абмеркавання», - гаворыцца ў паведамленні блока.
Поўны тэкст кааліцыйнага пагаднення, які складаецца з 48 старонак, чытайце па спасылцы.
Падпісантам прапануецца абавязаць правесці 13 рэформаў: абнаўленне ўлады і антыкарупцыйная рэформа; судовая рэформа; дэцэнтралізацыя і рэформа дзяржаўнага кіравання; рэформа праваахоўнай сістэмы; рэформа сістэмы нацыянальнай бяспекі і абароны; рэформа сістэмы аховы здароўя; дэрэгуляцыя і развіццё прадпрымальніцтва; рэформа энэргетыкі і энэрганезалежнасць; рэформа жыллёва-камунальнай гаспадаркі; рэформа фінансавага сектара; інфраструктура і транспарт; рэформа сельскай гаспадаркі і сацыяльная і гуманітарная рэформа, піша liga.net.
Нагадаем, лідар партыі «Самадапамога» Андрэй Садовы заявіў, што «Самадапамога» пакуль не ўступала ў перамовы што да стварэння парламенцкай кааліцыі, але пацвердзіў факт сустрэчы з прэзідэнтам Пятром Парашэнкам і тэлефонных перамоваў з прэм'ер-міністрам Арсеніем Яцанюком на гэтую тэму.
Фота: ТСН