Павел Севярынец адраджае курсы «духоўнага спецназа»
4- 29.10.2014, 11:31
- 5,281
11 лістапада ў Менску стартуюць новыя «Курсы Ды-джэяў Адраджэнне».
Пра гэта charter97.org паведамілі ў прэс-службе Беларускай Хрысціянскай Дэмакратыі.
Будзе дванаццаць двухгадзінных заняткаў штотыдзень па аўторках. Гэта праграма для моладзі, якая павінна рыхтаваць грамадскіх лідараў у галіне актыўнай беларусізацыі (канцэрты, вечарыны, шоу, віктарыны і інш.)
«Курсы Ды-джэяў Адраджэнне» ўключаюць:
- Тэсты на беларускі IQ
- Асабісты рэйтынг і выпрабаванні на кожным занятку
- Псіхалагічнае арыентаванне
- Правілы: як захапляць людзей
- Інтэрнэт, радыё, тэлевізія
- «Шоў Беларушчыны»
- «Высадка з парашутам» у глыбінцы
- Вынік - сертыфікат і перспектывы ўласных праектаў
За ўсю гісторыю курсаў з 1999 года (дзевяць выпускаў) было падрыхтавана блізу 100 спецыялістаў «беларускага духоўнага спецназа», якія складаюць «Ордэн Ды-джэяў Адраджэння». Сярод іх - кіраўнік «Маладога Фронту» Наста Палажанка, лідэры «Маладой Беларусі» Артур Фінькевіч і «Альтэрнатывы» Алег Корбан, пераможца міжнароднай алімпіяды гісторыі Сяргей Васільеў, адзін з кіраўнікоў Беларускай Хрысціянскай Дэмакратыі Дзяніс Садоўскі, прэс-сакратар Беларускай Асацыяцыі Журналістаў Барыс Гарэцкі, чэмпіён Беларусі ў пажарным спорце Мікалай Тамашэвіч, міжнароднік Сяргей Лісічонак, грамадскія актывісты Андрэй Кім, Алёна Валынец, Ірына Губская, Наталля Васілевіч, Кірыл Шык, журналісты Канстанцін Шыталь, Віталь Зыблюк, Аксана Рудовіч…
Вядучы - Павел Севярынец. Пачынаючы з 11 лістапада - кожны аўторак, 18.00.
Адрас - Менск, Чарнышэўскага, 3. Тэлефон - 8029 5160861 (Павал)
Курсы праводзяцца бясплатна.