Ермакова расказала, калі ў Беларусі чакаць дэнамінацыю
30- 29.10.2014, 12:02
- 33,759
Гаварыць аб дэнамінацыі ў Беларусі пакуль заўчасна.
Пра гэта сёння ў час жывой тэлефоннай лініі і анлайн-канферэнцыі ў БелТА заявіла старшыня праўлення Нацыянальнага банка Беларусі Надзея Ермакова.
«Праводзіць дэнамінацыю мэтазгодна толькі ў тым выпадку, калі ўзровень інфляцыі ў краіне стабільна нізкі і знаходзіцца на адзнацы менш за 10%. Зыходзячы з сітуацыі, якая складваецца ў гэтым годзе, і прагнозаў інфляцыі на наступны год, казаць аб тым, што бліжэйшым часам мы правядзем дэнамінацыю, заўчасна», - адзначыла Надзея Ермакова.
Адказваючы на адно з пытанняў, старшыня праўлення Нацбанка таксама паведаміла, што праз дастаткова высокую інтэнсіўнасць інфляцыйных працэсаў, складанай эканамічнай і геапалітычнай сітуацыі ў краінах - асноўных гандлёвых партнёраў Беларусі стаўка рэфінансавання ў нашай краіне да канца 2014 года, хутчэй за ўсё, застанецца на ўзроўні 20% гадавых.
«Гэтая мера будзе спрыяць стрымліванню інфляцыйных працэсаў і падтрыманню стабільнасці на валютным і дэпазітным рынках», - падкрэсліла яна.