Пад Бялынічамі мужчына з сякерай атакаваў аўтамабіль «хуткай»
6- 29.10.2014, 12:32
- 7,147
Па шчаслівай выпадковасці ніхто не пацярпеў.
«Хуткую» 40-гадоваму жыхару вёскі Карытніца, які нідзе не працуе і злоўжывае спіртным, выклікалі суседзі, убачыўшы ягоныя неадэкватныя паводзіны падчас сваркі са сваякамі. А калі хуліган схапіў сякеру і стаў ім пагражаць, патэлефанавалі ў дзяжурную частку Бялыніцкага АУС, адкуль выехала на месца здарэння следча-аператыўная група.
«Газэль» хуткай дапамогі мясцовай раённай бальніцы прыбыла на месца раней за праваахоўнікаў. Убачыўшы «хуткую», раз'юшаны хуліган кінуўся да яе і нанёс два ўдары абухом сякеры, разбіўшы шкло ў бакавых дзвярах і пашкодзіўшы заднюю стойку аўтамабіля. Па шчаслівай выпадковасці ніхто не пацярпеў. Пасля гэтага правапарушальнік адразу схаваўся ў бліжэйшым лясным масіве, паведамляе БелТА.
Падчас аператыўна-вышуковых мерапрыемстваў зламысніка на наступны дзень затрымалі праваахоўнікі ў адной з вёсак Бярэзінскага раёна. Ён узяты пад варту. У дачыненні да яго распачатая крымінальная справа паводле факта хуліганства. Праваахоўнікі праводзяць следча-аператыўныя мерапрыемствы, высвятляючы ягонае дачыненне да супрацьпраўных дзеянняў у дачыненні да сваякоў і суседзяў, якім ён пагражаў забойствам сякерай.