Бакары Санья: Лепшы гулец, з якім я гуляў, - Аляксандр Глеб

Санья і Глеб выступалі разам за Арсенал у 2007-2008 гадах.

Абаронца "Манчэстар Сіці" і зборнай Францыі Бакары Санья заявіў, што беларускі хаўбек Аляксандр Глеб - гэта лепшы гулец, з якім яму давялося гуляць. Санья і Глеб выступалі разам за Арсенал ў 2007-2008 гадах, піша "Прессбол".

"Лепшы гулец, з якім я калі-небудзь гуляў - Аляксандр Глеб. Калі я прыйшоў у "Арсенал", Глеб гуляў як чараўнік. Ён так выдатна абыходзіўся з мячом і на полі мог рабіць тое, што хацеў - аддаваў пасы, забіваў, у яго быў цудоўны дрыблінг. Яму было ўсё роўна, супраць каго гуляць, ён дзейнічаў проста выдатна", - сказаў Санья ў інтэрв'ю афіцыйнаму Youtube-канале "Манчэстар Сіці".