Масква стварае «войска Наваросіі» і перакідае войскі ў Данбас
16- 30.10.2014, 9:52
- 16,173
У ДНР і ЛНР вядзецца рэалізацыя плана Масквы ў стварэнні адзінага войска сепаратыстаў.
Асобныя бандфармаванні атрымліваюць статус «рот» і «батальёнаў». Аднак працэс арганізацыі адзінай сістэмы кіравання сутыкнуўся з ярка выяўленым нежаданнем верхаводаў тэрарыстычных груп падпарадкоўвацца адзінаму камандаванню. Пра гэта піша на сваёй старонцы ў сацыяльнай сетцы «Фэйсбук» кіраўнік украінскага Цэнтра вайскова-палітычных даследаванняў Дзмітрый Тымчук.
Цэнтралізуецца кіраванне артылерыйскім агнём суперніка ў Данецку. Паводле звестак групы «Інфармацыйны супраціў», у паўночнай частцы Данецка створаны і функцыянуе адзіны камандны пункт артылерыі расейцаў.
У Пятроўскім раёне Данецка прыбываюць расейскія падраздзяленні, замаскіраваныя пад «апалчэнцаў» - без знакаў адрознення, нашывак і шаўрон. Адзначана прыбыццё мотастралковых падраздзяленняў РФ на бронетэхніцы, а таксама паветрана-дэсантных падраздзяленняў.
У раён Горлаўкі, а таксама ў Кіраўскі і Кіеўскі раён Данецка надалей прыбывюць расейскія падраздзяленні ў выглядзе мабільных тактычных груп са складу мотастралковых брыгад Паўднёвай вайсковай акругі РФ, укамплектаваныя штатнай бронетэхнікай. Адзначана прыбыццё да 5 ротных тактычных груп. Мясцовыя баевікі адводзяцца ў другі эшалон.
У раёне Валнаваха расейска-тэрарыстычныя войскі праводзяць выведку агнявых пазіцый украінскіх войскаў. Адзначана перакідка ў гэты раён артсістэм суперніка - да 20 адз.
У раён Аленаўка праціўнік перакідае бронетэхніку. Зафіксавана прыбыццё да 20 адзінак бронетэхнікі. Экіпажы ўкамплектаваны расейскімі наймітамі, у якасці «пяхоты» - мясцовыя баевікі.
Праз Каменабродскі раён (Луганск) адзначанае перасоўванне «канвояў забеспячэння». З дапамогай гэтых канвояў ажыццяўляецца забеспячэнне артылерыйскімі боепрыпасамі падраздзяленняў расейска-тэрарыстычных войскаў, якія ажыццяўляюць абстрэлы пазіцыяў украінскіх войскаў у раёне населеных пунктаў Шчасце і Станіца Луганская.
Зафіксаванае засяроджванне другога батальёна тактычнай групы (БТГ) расейска-тэрарыстычных войскаў у раёне Наваазоўск.
На ўзбраенні артылерыйскай групы праціўніка, якая «працуе» ў раёне Марыупаля, з'явіліся новыя сродкі артылерыйскай выведкі - як радыёлакацыйныя, так і аптычныя. З мэтай вядзення разведкі актыўна выкарыстоўваюцца БПЛА.
Зафіксаваная перапраўка з тэрыторыі Данбаса ў РФ трупаў загінуўшых расейскіх вайскоўцаў. Вываз трупаў быў ажыццёўлены праз пункт пропуску «Чэрвонапартызанск». Агульная колькасць вывезеных цел - блізу 150.