Роберт Тышкевіч: Расея свядома запалохвае краіны ЕЗ
1- 30.10.2014, 10:19
- 4,952
Канцэнтрацыя шпіёнаў у расейскіх дыпламатычных установах павінна ўзмацніць атмасферу пагрозы з боку Расеі.
Пра гэта заявіў у інтэрв'ю для партала NaTemat.pl дэпутат польскага Сейма, эксперт ва ўсходняй палітыцы Роберт Тышкевіч.
«У мінулым палітыкам даводзілася губляць адчуванне асцярожнасці, легкадумна або нават наіўна трапляць у няправільную кампанію, адказваючы на пытанне аб тым, ці варта правяраць польскіх палітыкаў на наяўнасць магчымых сувязяў з расейскімі спецслужбамі. - Я б перасцерагаў перад абагульненнямі, хоць вядома нашы спецслужбы заўважылі ўзмоцненую актыўнасць расейскіх агентаў у рэгіёне. Напрыклад чэхі толькі што абвясцілі, што ніколі раней у іх не было так шмат расейскіх шпіёнаў.
Я перакананы ў тым, што гэта свядомае распальванне напружання з боку Расеі і ўздзеянне на грамадскую думку. Вяртанне да арсеналу сродкаў часоў Халоднай вайны не толькі да прапаганды, але і да выведкі. Канцэнтрацыя афіцэраў і агентаў выведкі ў расейскіх дыпламатычных установах, на маю думку, павінна ўзмацніць атмасферу пагрозы з боку Расеі».
Нагадаем, учора Варшава назвала шпіёнам расейскага журналіста, які раней працаваў у Беларусі. Расейскі карэспандэнт Леанід Сьвірыдаў, якога МЗС Польшчы пазбавіла акрэдытацыі, можа быць высланы з краіны.