Расейскіх вайскоўцаў масава адклікаюць з адпачынкаў

На тэрыторыі Расеі адзначаецца масавае адкліканне вайскоўцаў ВС РФ з адпачынкаў.

Пра гэта паведаміў кіраўнік групы Інфармацыйны супраціў Дзмітрый Тымчук на сваёй старонцы ў сацыяльнай сетцы «Фэйсбук».

Ён таксама напісаў, што ў Данбасе расейскім камандаваннем вельмі строга загадана падраздзяленням баевікоў ДНР і ВС РФ выконваць меры маскіроўкі. Усе перамовы, якія змяшчаюць інфармацыю аб дзейнасці і перамяшчэнні падраздзяленняў, што да адкрытых каналаў сувязі строга забаронены.

«Рух і правядзенне маршаў прапанавана праводзіць або ў цёмны час сутак, альбо ў прыцемках (раніцай ці вечарам). Указанне перасоўвацца ў цёмны час сутак выклікае незадаволенасць і ў тэрарыстаў (адсутнасць неабходных навыкаў кіравання бронетэхнікай ў цёмны час сутак), і ў расейскіх вайскоўцаў (слабае веданне мясцовасці)», - адзначыў ён.

Фота: mk.ru