9 эфектыўных спосабаў запомніць усё

Як лепш запамінаць інфармацыю.

1. Запісвайце

Даследаванне, праведзенае ў 2008 годзе ва Універсітэце Кіёта, паказала: калі перад тым, як прыступіць да зубрэння, на працягу 15-20 хвілін успамінаць і запісваць свае сумныя думкі і драбнюткія непрыемнасці, якія адбыліся за апошні час, эфектыўнасць вучобы рэзка ўзрасце. Справа ў тым, што ўсё негатыўнае мы апрыёры запамінаем вельмі добра. І ўсю інфармацыю, якая паступіць адразу пасля эпісталярных выліванняў, мозг па інэрцыі ўспрыме як «дрэнную», а значыць, надзейна зафіксуе. Не самы вясёлы метад, але рэальна працуе, піша vmirechudes.com.

2. Зменіце абстаноўку

Калі за адзін вечар трэба падрыхтавацца да двух іспытаў (або нарады), рабіце гэта ў розных пакоях. Інфармацыя, якую мы запамінаем пры розных абставінах, не змешваецца ў галаве.

3. Крычыце гучней

Словы запамінаюцца на 10% лепш, калі іх выкрыкваць. Гучыць па-дурному, але факт. Неабавязкова, вядома, ставіць на вушы ўвесь дом. Дастаткова па некалькі разоў гучна і выразна вымавіць кожнае слова.

4. Будзьце экспрэсіўнымі

Яшчэ адна парада для тых, хто вывучае цяжкія мовы: малюйце жэстамі ўсе словы і фразы, якія Вы вучыце. Літаральна: калі вучыце спражэнне дзеяслова «скакаць» - паскакаць. А калі трэба вывучыць дыялог ці складаную фразу, разыграць сцэнку. Вось убачыце, усё запомніцца надзіва хутка.

5. Слухайце сябе

Вывучыўшы нейкую інфармацыю, намовіце яе на дыктафон. А калі будзеце засыпаць, ціхенька ўключыце гэты запіс - трэба менавіта спаць пад яго. Гэта ўзрушаюча дзейсны спосаб для таго, каб замацоўваць ужо знаёмыя, але дрэнна запамінальныя рэчы.

6. Не сядзіце на месцы

Вучыце вершы, падручнікі і даклады, робячы кругі па пакоі. Справа ў тым, што хада актывізуе працу мозгу, і Ваша здольнасць да запамінання значна павялічваецца.

7. Выкідвайце словы

Суперспосаб для таго, каб вывучыць вялікі аб'ём злітнага тэксту, напрыклад, словы песні ці даклад. Перапішыце гэты тэкст, пакінуўшы ад кожнага слова толькі першую літару, і вучыце яго, спрабуючы ўспамінаць гэтыя словы. Натуральна, спачатку прыйдзецца зазіраць у арыгінал, але ў выніку Вам будзе дастаткова глянуць на ўсечаны варыянт і тэкст маментальна ўсплыве ў памяці. Такую шпаргалку вельмі зручна браць з сабой.

8. Спіце больш

Чым даўжэй Вы будзеце спаць пасля таго, як нешта вывучылі, тым лепш будзеце памятаць гэтую інфармацыю раніцой. А бяссонныя ночы, наадварот, значна пагаршаюць памяць. Я хачу, каб усе студэнты гэта прачыталі і прынялі да ведама. Лепш паспаць пару гадзін перад іспытам, чым спрабаваць вывучыць яшчэ «пару білетаў».

9. Займіцеся спортам!

На гэтую тэму праводзілася вельмі шмат даследаванняў, і ўсе пацвердзілі: аэробныя практыкаванні паляпшаюць мазгавы кровазварот і памяць. Патанчы перад тым, як сесці за кнігі: зможаце вывучыць на памяць хоць «Яўгена Анегіна»! Прынамсі, першую страфу - дакладна.