На МКАД загарэўся мікрааўтобус
- 31.10.2014, 14:02
- 8,268
Загаранне пачалося падчас руху аўтамабіля.
Сёння днём праязджаючы па кальцавой дарозе ў раёне выезду з горада ў бок Ждановічаў маглі бачыць слуп дыму. Ён зыходзіў ад аўтамабіля, які загарэўся прама на МКАД. Гарэў адкрытым полымем мікрааўтобус. Са слоў Віталя Дзямбоўскага, прэс-сакратара МНС Менска, на месца аператыўна выехалі выратавальнікі, паведамленняў аб пацярпелых няма, піша onliner.by.
Пажар здарыўся на ўнутраным боку МКАД недалёка ад скрыжавання з вуліцай Ціміразева. Паводле папярэдніх звестак выратавальнікаў, загаранне пачалося падчас руху аўтамабіля. Кіроўца паспеў спыніцца на ўзбочыне і выбрацца. Неўзабаве мікрааўтобус ахапіў агонь.
