Смеццявоз задушыў пешахода на Партызанскім праспекце ў Менску

Каля 8 раніцы 4 кастрычніка смеццявоз наехаў на дваццацігадовага мужчыну. Той сканаў на месцы, бо цяжкі грузавік наехаў колам яму на галаву. Трагедыя адбылася на Партызанскім праспекце ў Менску.

Аварыя здарылася паміж дамамі №109 і №111 Партызанскага праспекта. У той час як грузавік ехаў задам, малады мужчына пераходзіў дарогу, паведамляе БелТА.

За стырном смеццявоза быў мужчына 1966 года нараджэння. Як адзначаюць у ДАІ, ён быў цвярозы.