СААЗ паведаміла аб смерці 3 тысяч 439 чалавек ад ліхаманкі Эбола
2- 4.10.2014, 13:34
- 6,064
Сусветная арганізацыя аховы здароўя (СААЗ) удакладніла звесткі аб колькасці ахвяр ліхаманкі Эбола.
Паводле апошніх звестак СААЗ, вірус забраў жыцці 3 тысяч 439 чалавек, паведамляе РБК. Раней паведамлялася аб 3 тысячах 431 загінулым.
У Гвінеі колькасць памерлых дасягнула 739 чалавек, у Сьера-Леонэ - 623 чалавек. Больш за ўсё ад эпідэміі пацярпела Ліберыя - тут зарэгістравана 2 тысячы 69 выпадкаў смерці ад Эболы. Яшчэ восем чалавек загінулі ў Нігерыі.
Усяго зарэгістравана 7 тысяч 492 выпадкаў заражэнне вірусам Эбола, у тым ліку 20 у Нігерыі, па адным у Сенегале і Злучаных Штатах.
Упершыню ўспышкі ліхаманкі Эбола былі адзначаныя ў 1976 годзе ў Дэмакратычнай Рэспубліцы Конга і Судане. З 23 сакавіка 2014 Сусветная арганізацыя аховы здароўя афіцыйна паведаміла аб новай эпідэміі хваробы, выкліканай вірусам Эбола ў Гвінеі. Апрабаванага лячэння БВВЭ пакуль не існуе. Ліцэнзаваных вакцын яшчэ няма, аднак дзве патэнцыйныя вакцыны праходзяць тэставанне.