Расклад дзейнасці спрошчаных пунктаў прапускання на Дзяды
- 1.11.2014, 10:09
- 3,921
Дзяржаўны памежны камітэт Беларусі апублікаваў расклад дзейнасці спрошчаных пунктаў прапускання на мяжы з Літвой і Латвіяй у Дзень усіх святых і Дзень памінання памерлых (1 і 2 лістапада).
Расклад узгоднены з памежнымі службамі сумежных дзяржаў, паведамілі charter97.org у Дзяржпамежкамітэце.
На літоўскім адцінку ўстаноўлены наступны расклад:
"Піцкуны" - з 10.00 да 17.00,
"Геранёны" - з 10.00 да 17.00,
"Доцішкі" - з 9.00 да 21.00,
"Пяцюлеўцы" - з 12.00 да 17.00,
"Кемялішкі" - з 10.00 да 17.00,
"Мольдзевічы" - з 8.00 да 20.00,
"Лоша" - з 8.30 да 20.00,
"Лынтупы" - з 8.00 да 20.00,
"Парэчча" - з 9.00 да 10.00, з 18.00 да 19.00,
"Відзы" – 24 гадзіны.
На латвійскім кірунку пункты "Гаўрыліна" і "Плюсы" будуць працаваць з 9.00 да 17.00. "Гаўрыліна" будзе працаваць толькі пры наяўнасці заявак ад мясцовага насельніцтва.
Расклад даецца паводле беларускага часу. У гэтых пунктах будзе ажыццяўляцца прапусканне грамадзян, якія стала жывуць на прымежнай тэрыторыі. Пры сабе трэба мець пашпарт з візай сумежнай дзяржавы. Дадатковую інфармацыю можна 24 гадзіны атрымаць праз тэлефон (8-017) 216-26-12.
Памежнікі таксама нагадалі, што змененыя нормы правозу тавараў у пунктах спрошчанага прапускання. Больш падрабязную інфармацыю можна знайсці на сайце мытнай установы.