Бранскі «адзінарос» напаў на журналіста (Відэа)

Кіраўнік моладзевага аддзялення «Адзінай Расеі» ў Бранску Сяргей Перапёлаў напаў на дэпутата гарсавета, журналіста Ігара Статычнюка.

Момант нападу быў зафіксаваны на відэакамеру, паведамляе інтэрнэт-выданне «Брянск Today» ў пятніцу, 31 кастрычніка.

Паводле слоў Ігара Статычнюка, 31 кастрычніка ля будынка адміністрацыі Дзяцькаўскага раёна Бранска быў заўважаны белы аўтамабіль Volkswagen, які стаяў на паласе сустрэчнага руху. Кіроўцам машыны выявіўся Сяргей Перапёлаў.

На пытанне журналіста пра тое, чаму «адзінарос» прыпаркаваўся ў неналежным месцы, той паспрабаваў выхапіць з рук Статычнюка фотаапарат, пасля чаго хапаў яго за вопратку і паспрабаваў ударыць. Яго ўдалося супакоіць толькі тады, калі ў канфлікт паспрабаваў умяшацца сын журналіста, які да гэтага сядзеў у машыне.

Статычнюк падкрэсліў, што кіраўніцтва Бранскай арганізацыі «Маладая гвардыя» павінна сур'ёзна ацаніць гэты інцыдэнт, і дадаў, што на нядаўна мінулых выбарах Перапёлаў узначальваў партыйныя спісы «Адзінай Расеі» ў Дзяцькаўскім раёне.