Італійская мадэль стала футбольным арбітрам

Раней ніводная жанчына не дапускалася да абслугоўвання матчаў наймацнейшых ліг Італіі ў якасці галоўнага арбітра.

Італійская мадэль Клаўдыя Рамані можа стаць першай жанчынай, якая абслугоўвае матчы вышэйшага дывізіёна чэмпіянату краіны ў футболе ў якасці галоўнага арбітра. Пра гэта паведамляе The Daily Mail.

Рамані здала ўсе неабходныя экзамены і атрымала права судзіць матчы італійскага чэмпіянату ў серыях А і В - першым і другім дывізіёнах краіны, піша Lenta.ru.

«Бегаць па полі з усімі гульцамі і пры гэтым быць над імі галоўнай - гэта магчымасць, ад якой нельга адмаўляцца», - заявіла 32-гадовая мадэль.

Раней ніводная жанчына не дапускалася да абслугоўвання матчаў наймацнейшых ліг Італіі ў якасці галоўнага арбітра. З 2009 да 2012 года на сустрэчах серый А і B у якасці лайнсмена працавала Крысціна Чыні.

Клаўдыя Рамані ўваходзіць у спіс дзесяці самых прыгожых жанчын Італіі паводле версіі розных выданняў. Мадэль з дзяцінства хварэе за «Мілан» і з'яўляецца амбасадарам гэтага клуба ў ЗША.