У Беларусі з'явілася мабільная сацсетка для кіроўцаў
15- 11.11.2014, 12:03
- 22,075
Своеасаблівая сацсетка, у сутнасці, заменіць рацыю, што часта выкарыстоўваецца кіроўцамі.
Мабільнае прыкладанне для кіроўцаў Carnet дазваляе аўтамабілістам абменьвацца паведамленнямі пра ўмовы руху, прасіць ці прапаноўваць дапамогу і інш.
Своеасаблівая сацсетка, у сутнасці, заменіць рацыю, што часта выкарыстоўваецца кіроўцамі. Таксама карыстальнікі могуць паведамляць ДАІ аб праблемах на дарозе, прымацаваўшы фота з геалакацыяй да паведамлення.
Мабільнае прыкладанне Carnet стварылі менскія распрацоўшчыкі пры падтрымцы ДАІ сталіцы. З 11 лістапада яно даступнае для запампоўкі ўладальнікам прылад з сістэмай iOS, паведамляе БелТА.
Да канца восені прыкладанне працуе ў тэставым рэжыме. Распрацоўшчыкі палічылі, што запампоўванне яго на iPhone, якіх у маштабах краіны крыху, дазволіць з лёгкасцю ацаніць плюсы і мінусы, сабраць водгукі і выправіць недакладнасці.
З канца восені плануецца запусціць версію для Android. Распрацоўшчыкі гарантуюць, што прыкладанне заўсёды будзе бясплатным.