Вучоныя прымусілі бактэрыі танчыць
1- 11.11.2014, 14:04
- 4,191
Навукоўцы з Нідэрландаў і Паўднёвай Карэі пры дапамозе магнітнага поля прымусілі бактэрыі здзяйсняць групавыя танцавальныя рухі.
Коратка з даследаваннем можна азнаёміцца па прэс-рэлізу Універсітэта Твэнтэ, піша Lenta.ru.
Фізікі выкарыстоўвалі здольнасць некаторых відаў бактэрый да магнітататаксісу - рухальнай рэакцыі аднаклетачных арганізмаў на змены знешняга магнітнага поля. Гэта адбываецца праз наяўнасць у іх асаблівай мембраннай структуры, якая складаецца з ферамагнітных крышталяў, якія выконваюць функцыі компаса.
Бактэрыі належаць да групы мікрааэрафільных арганізмаў, гэта значыць такіх, якія жывуць у асяроддзі з вельмі нізкім утрыманнем кіслароду. Магнітатаксіс дазваляе ім рухацца ў напрамку зоны з падвышанай канцэнтрацыяй кіслароду.
Спецыялістам удалося аптымізаваць кіраванне рухам бактэрый, стварыўшы спецыяльную празрыстую мікрасхему. У ёй маецца некалькі каналаў глыбінёй пяць мікрон, запоўненых вадкасцю, у якія змешчаныя бактэрыі. Геаметрыя і памеры каналаў дазваляюць мікраарганізмам свабодна перамяшчацца.
Магнітам, што змяшчаецца над чыпам, навукоўцы пры дапамозе магнітнага поля навучыліся накіроўваць бактэрыі і прымусілі іх здзяйсняць групавыя танцавальныя рухі. Навукоўцы высветлілі, што чым большая велічыня прыкладзенага магнітнага поля, тым хутчэй бактэрыі разгортваюцца ў адваротны бок (і тым меншы радыус траекторыі такога павароту).
Навукоўцы мяркуюць, што кіраванне рухам бактэрый у мікраканалах пры дапамозе магнітнага поля можа дазволіць дастаўляць розныя рэчывы і наначасціцы для лячэння і папярэджання захворванняў.