Даляр зноў падаражэў да 47 расейскіх рублёў

Курсы даляра і еўра хутка растуць і адыгрываюць панесеныя ўчора страты.

Падчас таргоў у панядзелак на Маскоўскай біржы курс даляра апусціўся ніжэй за адзнаку ў 45 руб, аднак у аўторак зноў падняўся вышэй за 47 руб. На максімуме кошт даляра падняўся да 47,05 руб, што на 1,2 руб вышэй за ўзровень закрыцця ўчорашніх таргоў, паведамляе РБК.

Кіраўнік другога па велічыні банка Расеі - ВТБ - Андрэй Косцін разышоўся ў поглядах на існуючую сітуацыю з курсам рубля і магчымасцю ўвядзення кантролю за рухам капіталу з Мінфінам.

Адначасова з гэтым курс еўра, які ўпаў 10 лістапада амаль да 56 руб, сёння ўпэўнена падняўся вышэй за 58 руб. На максімуме кошт еўра падчас біржавых таргоў дасягнуў 58,428 руб, што на 1,6 руб вышэй за ўзровень закрыцця ўчорашніх таргоў.

Да 16:10 мск курс даляра на Маскоўскай біржы складаў 46,9 руб/дал, што на 1,0475 руб. вышэй за ўзровень закрыцця папярэдняга гандлёвага дня. Курс еўра да гэтага моманту складаў 58,2595 руб/еўра - на 1,4595 руб вышэй за ўзровень закрыцця папярэдняга гандлёвага дня.

У пачатку лістапад 2014 курс даляра ўздымаўся на Маскоўскай біржы вышэй за 48 рублёў, а курс еўра - вышэй за 60 руб.

«Мы па-ранейшаму без аптымізму глядзім на рубель, паколькі кошты на нафту зніжаюцца, а геапалітычная абстаноўка ўсё яшчэ нестабільная. У эканоміцы Расеі таксама не відаць паляпшэнняў - інфляцыя паскараецца, а капітальныя інвестыцыі зніжаюцца», - адзначаецца ў прагнозе аналітыкаў Danske Bank.

За апошнія два месяцы расейская валюта імкліва таннела: да даляра курс рубля абрынуўся на 28,4%, да еўра - на 21,1%. Такое піке павінна адбіцца на цэнніках у крамах і на паводзінах прадпрымальнікаў. Большасць апытаных бізнэсоўцаў пакуль працуюць на складскія запасы, набытыя па «старых коштах», але з дня на дзень чакаюць новых прайс-лістоў ад сваіх пастаўшчыкоў.