Галоўным рэдактарам «Коммерсанта» стане Сяргей Якаўлеў

Галоўны рэдактар часопіса «Грошы» Сяргей Якаўлеў даў згоду стаць галоўным рэдактарам газеты «Коммерсант».

Пра гэта паведаміў гендырэктар ВД «Коммерсант» Павел Філенкоў, паведамляе ТАСС.

Нагадаем, учора Міхаіл Міхайлін сышоў з пасады галоўнага рэдактара расейскай газеты «Коммерсант». Пра гэта было абвешчана на сходзе калектыву.

Міхайлін узначальваў «Коммерсант» з 2010 года, да гэтага ён працаваў у выдавецкім доме з 1992 года і ў 1999 годзе стаў галоўным рэдактарам «Коммерсант-Власть». З 2006 да 2010 года ён узначальваў «Газету.ру».