Валютчык з Менска спрабаваў прадаць $5 тысяч

Паведамленні пра затрыманні валютчыкаў у Беларусі сталі з'яўляцца амаль штодня.

Аператыўнікі аддзела барацьбы з эканамічнымі злачынствамі (АБЭЗ) Першамайскага РУУС затрымалі менчука падазраванага ў незаконных валютна-абменных аперацыях. Пра гэта сайту charter97.org паведамілі ў прэс-службе Першамайскага РУУС.

41-гадовы індывідуальны прадпрымальнік, прадаў супрацоўнікам падатковых органаў, якія выступілі ў ролі звычайных пакупнікоў, 5 тысяч даляраў. Адразу пасля ўгоды парушальніка затрымалі аператыўнікі.

Складзены адміністрацыйны пратакол. За незаконныя абменныя аперацыі прадугледжаны штраф і канфіскацыя прадмета ўгоды. Грамадзяне, што сістэматычна займаюцца незаконнымі валютнымі аперацыямі, могуць быць прыцягнутыя да крымінальнай адказнасці.

Нагадаем, учора двое менчукоў былі затрыманыя ў падазрэнні ў незаконных валютна-абменных аперацыях у асабліва буйных сумах.