Амерыканцы стварылі робат з грыбоў і бактэрый
1- 14.11.2014, 9:10
- 8,617
Пасля падзення робат раскладаецца, пакідаючы пасля сябе толькі лужыну слізі.
У ЗША прадставілі першы «біялагічны робат». Корпус гэтага беспілотніка выраблены з грыбоў, якія падчас росту прынялі патрэбную форму, паведамляе Lenta.ru.
Дрон ужо паспяхова прайшоў выпрабаванні.
Адзначаецца, што навінка павінна зацікавіць вайскоўцаў і спецслужбы, паколькі практычна не пакідае слядоў пасля крушэння. Зваліўшыся на зямлю, беспілотнік ператвараецца ў малапрыкметныя лужыны слізі, што хутка высыхаюць.
Корпус апарата «вырашчаны» з міцэлія - вегетатыўнага цела грыбоў, якое складаецца з тонкіх разгалінаваных нітак.
Нью-ёркская фірма вырошчвае міцэлій ў форме дронаў на замову NASA. Гэтую аснову апранулі ў ахоўнае пакрыццё з цэлюлозы, выгадаванае бактэрыямі, пасля чаго пакрылі бялкамі, кланаванымі з сліны.
Мікрасхемы надрукавалі срэбнай фарбай на аснове наначасціц, каб максімальна павысіць біаразлагальнасць прылады.
Адзначаецца, што для першага палёту біадрон абсталявалі шрубамі, акумулятарамі і прыборамі кіравання, запазычанымі ў звычайнага механічнага квадракаптэра. Цяпер вынаходнікі шукаюць біялагічныя крыніца для датчыкаў беспілотніка - іх канструююць з дапамогай бактэрый кішачнай палачкі.
Інжынеры папярэджваюць, што складаней за ўсё будзе забяспечыць бяспеку палёту: ёсць вялікая рызыка, што такія біадроны пачнуць растварацца ўжо ў паветры, патрапіўшы пад моцны дождж або снег.