Сутыкненні ў Афінах: паліцыя ўжыла газ супраць студэнтаў

У Афінах паліцыя ўжыла слёзатачывы газ і шумавыя гранаты супраць пратэстуючых студэнтаў.

Ім спрабавалі перашкодзіць увайсці ў закрыты будынак Політэхнічнага інстытута, дзе планаваўся агульны сход студэнцкіх прафсаюзаў. Пра гэта паведамляе выданне GreekReporter, піша РБК.

Напружанасць у сталіцы Грэцыі ўзмацняецца напярэдадні чарговай гадавіны паўстання 1973 супраць вайсковай хунты, цэнтрам якога стаў Політэхнічны інстытут.

Раніцай студэнты сабраліся каля юрыдычнага факультэта Афінскага ўніверсітэта і паспрабавалі ўвайсці ў будынак. Там адбылася сутычка са спецпадраздзяленнямі паліцыі, якія паспрабавалі адагнаць пратэстуючых. Пры гэтым двое студэнтаў атрымалі цяжкія раненні галавы.

Увечары на дэманстрацыю зноў выйшлі студэнты, абураныя у тым ліку і паліцэйскім гвалтам падчас ранішняга інцыдэнту. Група дэманстрантаў пачала кідаць камяні ў паліцэйскія атрады, якія адказалі выкарыстаннем шумавых гранат. Праз кароткі час, пасля таго, як дэманстранты прайшлі паблізу будынка парламента, пачаўся другі раунд сутыкненняў, на гэты раз за межамі Політэхнічнага інстытута. У будынак, блакаваны паліцыяй, паспрабавалі ўвайсці амаль 200 студэнтаў.

Кіраўнікі шэрагу навучальных устаноў зачынілі доступ у корпуса і папрасілі паліцыю ахоўваць будынка, каб пазбегнуць «сядзячых забастовак» падчас чарговай гадавіны паўстання. Акрамя таго, студэнты пратэстуюць супраць пастановы новаабранага дэкана Афінскага ўніверсітэта Тэадораса Фарцакіса прыцягнуць прыватных ахоўнікаў для забеспячэння бяспекі ва ўніверсітэцкіх будынках.

Вулічныя баі сталі прадметам дыскусій у парламенце. Прадстаўнік галоўнай апазіцыйнай сілы - леварадыкальнай кааліцыі СІРЫЗА Панос Скурлетыс раскрытыкаваў палітыку ўрада, накіраваную, на ягоную думку, супраць студэнтаў.

Фота: Reuters/Алкіс Канстантынідзіс