Венгрыя і Славакія пастанавілі падтрымаць санкцыі ЕЗ супраць Расеі

Пазіцыя «Вышаградскай чацвёркі» што да антырасейскіх санкцый адзіная.

Працяг эскалацыі напружанасці на ўсходзе Украіны змяніла настрой лідэраў Вугоршчыны і Славакіі, якія выказаліся за новыя санкцыі супраць Расеі, піша Financial Times.

Цяпер у гэтых краінах, якія маюць моцныя эканамічныя сувязі з Расеяй, гатовыя падтрымаць дадатковыя крокі ЕЗ у адказ на дзеянні Масквы ва ўкраінскім крызісе, паведамляе РБК.

«Калі дыялог не дае вынікаў, мы павінны нешта зрабіць», - цытуе выданне новаабранага прэзідэнта Славакіі Андрэя Кіску. Ён дадаў, што іншага шляху ў Еўропы няма «Мы павінны паказаць Пуціну, што мы робім захады супраць ягонай агрэсіі».

Змена настрояў яшчэ больш прыкметныя ў Вугоршчыне. Раней прэм'ер гэтай краіны Віктар Орбан неаднаразова выказваўся супраць санкцый у дачыненні да Расеі, больш за тое, ужо пасля некалькіх санкцыйных крокаў ЕЗ вугорскія ўлады заключылі пагадненне аб будаўніцтве газаправода «Паўднёвы паток», які дазволіць Расеі пастаўляць газ у Еўропу ў абыход Украіны.

Цяпер жа міністр замежных спраў Вугоршчыны Пётр Сіярта назваў «нядаўнія дзеянні Расеі непрымальнымі». Будапешт далучыцца да агульнай пазіцыі ў пытанні аб санкцыях, паабяцаў кіраўнік вугорскага замежнапалітычнага ведамства. У Цэнтральнай Еўропе ведаюць, што значыць мець суседа падобнага да Савецкага Саюзу і не жадаюць «выпрабаваць гэтага зноў» цытуе FT міністра. Ён паабяцаў, што Вугоршчына падтрымае «ўсе пастановы, якія прывядуць да хуткага завяршэння канфлікту» на Украіне.

Заявы Кіскі і Орбана не зусім сведчаць, што пазіцыя «Вышаградскай чацвёркі» што да антырасейскіх санкцый адзіная. Прэм'ер Славакіі Роберт Фіцо і міністр фінансаў гэтай краіны Пётр Казімір па-ранейшаму насцярожана ставяцца да новых санкцый, баючыся эканамічных наступстваў. У непрадукцыйнасці новых абмежаванняў супраць Масквы ўпэўнены і міністр фінансаў Чэхіі Андрэй Бабіш. «Яны не прынясуць нічога, гэтыя санкцыі. Яны будуць мець толькі негатыўныя наступствы» - заявіў чэшскі міністр у кулуарах саміту ў Браціславе, дзе збіраліся палітыкі і бізнесоўцы аб'яднання краін Усходняй Еўропы.

Асцярогі Браціславы з нагоды эканамічных наступстваў для Славакіі пасля пашырэння антырасейскіх санкцый не адаб'юцца на пастанове ўрада - кабінет Фіцо падтрымае новыя меры, заявіў міністр ЕЗ ў справах Славакіі Петэр Яворчык.

Нагадаем, 30 кастрычніка «Вышаградская чацвёрка» (Чэхія, Вугоршчына, Польшча і Славакія) заклікала Расею не прызнаваць «выбары» ў ЛНР і ДНР 2 лістапада.