Адзенне Honar выйшла на fashion-подыум

У рамках найбуйнейшага ў Беларусі форуму дызайнераў «Belarussian Fashion Week» адбылася дэбютная подыумная дэманстрацыя брэнда Honar.

Пад лозунгам «Honar pavinien być» маладая сямейная пара робіць лінію паўсядзённага сучаснага адзення, стылізаваную пад аўтэнтычныя беларускія вырабы. Павел Доўнар і Карына Адзесенка заяўляюць, што іх мэта - у спалучэнні сучаснай моды і нацыянальных традыцый. Уся вопратка - выключна ручной працы, паведамляе «Радыё Свабода».

У калекцыі гэтага сезону прадстаўлены кашулі з кароткімі і доўгімі рукавамі, цішоткі, сукенкі.