Беларусам няма чым папаўняць уклады ў банках

Чарговы месяц стаў пацвярджэннем падзення рэальных даходаў насельніцтва краіны.

Ужо які месяц запар беларусы не толькі не нарошчваюць свае ўклады ў банках, але вымушаны здымаць працэнты для папаўнення бягучага бюджэту, піша АФН.

Дэпазіты насельніцтва ў нацыянальнай валюце на 1 лістапада 2014 г. склалі Br45,395 трлн, гэта значыць, павялічыліся на Br392,2 млрд, або 0,9% у кастрычніку пасля зніжэння на Br89,9 млрд, або 0,2% у верасні.

Тэрміновыя ўклады ў кастрычніку выраслі на Br236 млрд, або 0,7% да Br32,413 трлн, перавадныя - на Br156,2 млрд або 1,2% да Br12,983 трлн на 1 лістапада 2014 года.

З пачатку года рост рублёвых дэпазітаў склаў Br12,378 трлн ці 37,5%, паведамляе Нацбанк РБ.

Валютныя ўклады ў кастрычніку выраслі на $88,6 млн або 1,1% пасля зніжэння на $19 млн або 0,2% у верасні і на 1 лістапада 2014 склалі $7,8431 млрд. З пачатку года ўклады насельніцтва ў валюце павялічыліся на $553,9 млн або 7,6%.

Тэрміновыя валютныя ўклады ў кастрычніку выраслі на $85,9 млн або 1,2% да $7,3571 млрд, перавадныя - на $2,8 млн або 0,6% да $486 млн.

Рублёвы эквівалент валютных дэпазітаў на 1 лістапада 2014 года склаў B84 трлн, павялічыўшыся на Br1,957 трлн або 2,4% у верасні пасля росту на Br1,043 трлн або 1,3% у верасні.