Юнкер вызначыў дзесяць прыярытэтаў ЕЗ
1- 14.11.2014, 18:30
- 4,901
Стала вядома, на чым плануе сканцэнтравацца ў працы на будучы год кіраўнік Еўракамісіі.
Кіраўнік Еўрапейскай камісіі Жан-Клод Юнкер у непублічнай перапісцы з кіраўнікамі іншых органаў ЕЗ вызначыў 10 прыярытэтаў працы Еўразвяза на 2015 год.
Пра гэта паведамляе брусельскае выданне ЕurActiv, у распараджэнні якога апынуўся ліст Юнкера і віцэ-прэзідэнта ЕК Франса Цімерманса, адрасаваны прэзідэнту Еўрапарламента Марціну Шульцу і кіраўніку рады ЕЗ Матэа Ренцо, піша "Еўрапейская праўда".
Прэзідэнт Еўракамісіі ў лісце прызнае, што эканамічны крызіс усё яшчэ прадаўжаецца, узровень беспрацоўя застаецца "непрымальна высокім", а падзеі ў суседніх з ЕЗ краінах патрабуюць ад аб'яднання рашучага адказу.
- эканамічны рост, інвестыцыі і павелічэнне колькасці працоўных месцаў;
- стварэнне адзінага лічбавага рынку;
- стварэнне магутнага Энергетычнага саюза, дзейнасць якога павінная ажыццяўляцца з улікам праблемы змены клімату, а таксама ў рамках умацавання энергетычнай бяспекі ЕЗ;
- развіццё ўнутранага рынку;
- вялікая інтэграцыя ў рамках Эканамічнага і манетарнага саюзаў;
- перамовы ў Пагадненні аб зоне свабоднага гандлю з ЗША;
- развіццё сферы юстыцыі і фундаментальных праў чалавека;
- распрацоўка новай палітыкі міграцыі;
- далейшая рэалізацыя стратэгіі Еўропы як моцнага глабальнага гульца;
- дэмакратычныя змены ў ЕЗ (у гэты раздзел уключаны таксама перагляд заканадаўства аб ГМА).
Другая частка ліста Юнкера прысвечаная ягонай прапанове стварыць новы "міжінстытуцыйны дагавор".
Ідэя заключаецца ў тым, што інстытуты ЕЗ павінныя ўзгадніць шматгадовую праграму, у якой будуць вызначаныя стратэгічныя мэты і бачанне вынікаў іх працы.