Дональд Туск: Пуцін убачыў, што пра яго думае ўвесь свет

Новы кіраўнік Еўрапейскай Рады мяркуе, што прэзідэнт Расеі ў Аўстраліі добра адчуў, што на самой справе свет думае аб ягоных дзеяннях ва Украіне.

Пра гэта Дональд Туск сёння заявіў у польскім Сопаце, паведамляе УНИАН са спасылкай на РАР.

«Мяркую, што добра атрымалася, што прэзідэнт Пуцін убачыў і адчуў, што свет думае аб ягоных дзеяннях і дзеяннях расейцаў ва Украіне», - сказаў польскі палітык.

Ён назваў несумнеўным практычна для кожнага тое, што атмасфера вакол Расеі праз канфлікт ва Украіне становіцца ўсё горшай.

«Не скажу, што яна ўсё лепшая для Украіны, таму што Украіне няма чаму радавацца, але дакладна атмасфера ў Еўропе і ў свеце вакол Расеі становіцца ўсё горшай і пагаршаецца надзвычай хутка», - сказаў экс-кіраўнік урада Польшчы.

Туск адзначыў, што тэма Украіны дакладна будзе адной з ключавых для яго на пасадзе кіраўніка Рады ЕЗ і адзначыў, што на самой справе свет мае справу з «нармальнай вайной».

Палітык адзначыў, што ён знаходзіцца ў пастаянным канфлікце з іншымі еўрапейскімі лідэрамі, заўважыўшы, што яны мяняюць свой пункт гледжання на тэму сітуацыі ва Украіне.

«Знікаюць ілюзіі - калі хтосьці меў такія, а некаторыя мелі пэўныя ілюзіі ці памылковыя ўяўленні аб намерах Масквы. Маю ўражанне, што гэтых ілюзій цяпер ужо няма», - сказаў Туск.

Сёння на саміце G20 лідэры ЗША, Японіі і Аўстраліі заявілі пра намер аб'яднаць намаганні ў барацьбе супраць Расейскай Федэрацыі.