РНБА Украіны: Новых перамоваў з тэрарыстамі пакуль не будзе
3- 17.11.2014, 17:30
- 8,540
Рада нацыянальнай бяспекі і абароны Украіны не бачыць неабходнасці ў правядзенні новых перамоваў накшталт менскіх.
Пра гэта падчас брыфінгу, адказваючы на пытанне, заявіў прадстаўнік Інфармацыйнага цэнтра РНБА Андрэй Лысенка, піша "Украинская правда".
"Пратакол, падпісаны ў Менску 5 верасня, і Мемарандум, падпісаны 19 верасня, з'яўляюцца асновай для ўрэгулявання канфлікту на Данбасе. Пакуль яны не будуць выкананыя, падпісваць новы дакумент няма сэнсу", - заявіў Лысенка.
Ён адзначыў, што Украіна чакае таго ж ад іншага боку.