Сукамернік вінаватага ў аварыі на Гая: Ён сказаў, што ДТЗ учыніў мэтанакіравана
48- 18.11.2014, 7:36
- 49,776
Менск дагэтуль абмяркоўвае абставіны здарэння на вуліцы Гая.
Асноўная загадка, якая засталася так і нявысветленай, - матыў кіроўцы Audi A8. Што яго магло падштурхнуць на тое, каб спачатку напасці са зброяй на жонку і дзяцей, а пасля - урэзацца ў першую машыну, што трапіла? У выніку сваякі мужчыны пацярпелі, а незнаёмая яму пара на Audi 100 загінула. На днях абвінавачанага ўзялі пад варту. Журналістам атрымалася звязацца і пагаварыць з чалавекам, які правёў тры дні ў адной камеры з затрыманым. Апошні ўказаў на магчымыя прычыны свайго ўчынку, піша onliner.by.
- Калі я ўпершыню яго ўбачыў у камеры - адразу ж склалася непрыемнае ўражанне, - распавёў аднакамернік кіроўцы Audi A8, які па зразумелых прычынах пажадаў застацца невядомым. - Шыя была ў свежых шнарах, твар нейкі дзікі, ці што. І трымаў сябе ўвесь час вельмі дзіўна. Яго мова была няскладнай, увесь час мармытаў сабе нешта пад нос. А па начах у камеры нават не адключалі святло - ён мог спакойна ляжаць, а потым нечакана закрычаць. Часта здаралася такое, што ён проста ўставаў з ложка і мармытаў нешта, размаўляючы сам з сабой.
- Праз некаторы час ён нібы бы прыходзіў у сябе, - дапоўніла партрэт затрыманага наша крыніца. - І калі мы (некалькі сукамернікаў) пераставалі перагаворвацца, ён гучна патрабаваў, каб мы не маўчалі, інакш ён зноў пачне думаць «пра што не трэба». Перыядычна паўтараў, што ў яго паехаў дах, што ўсё пачалося яшчэ са жніўня. Але гэтую фразу ён выказваў быццам у нікуды. Адзін раз з ім паспрабавалі завесці гутарку. На пытанне аб тым, што ж яго пацягнула ўчыніць два жудасных ўчынкі, ён адказаў незразумела: «Я не хацеў, каб мае дзеці маглі дастацца камусьці яшчэ. Пасля таго, як я парэзаў сваіх малых і жонку, я таксама паспрабаваў парэзаць і сябе, але не выйшла. Праз гэта спалохаўся і ўскочыў у машыну. «Выціснуў» болей за «сотню». Убачыў, што вывернула і павольна ехала «сотка». Падумаў, што гэта мой шанец, і паскорыўся, каб моцна ўехаць. Але не выйшла, застаўся жывы». Калі яму сказалі, што ўся яго сям'я выжыла, ён, як падалося, раззлаваўся, закрычаў: «Гэтага не можа быць!»
- Яго ў пятніцу выклікалі на шматгадзінныя допыты, - дадаў мужчына. – Яго бліжэйшым часам, збіраліся везці на абследаванне ў псіхіятрычную бальніцу ў Навінкі».
Фота: МНС