Мексіканцы на скрадзеным у Нямеччыне Ford прарываліся ў Беларусь
4- 18.11.2014, 10:26
- 10,251
Аўтамабіль коштам 130 тысяч злотых замежнікі запазычылі ў нямецкім салоне.
Калі, увечары 13 лістапада на пункт пропуску «Баброўнікі-Бераставіца» пад'ехала цёмная іншамарка, польскія памежнікі адразу ж пастанавілі праверыць аўтамабіль, піша «Комсомольская правда в Беларуси».
У машыне знаходзілася трое жыхароў Мексікі, а аўтамабіль, як высветлілася, лічыцца ў Шэнгенскай інфармацыйнай сістэме як скрадзены ў Нямеччыне, паведамляе Падляская памежная служба.
Высветлілася, што аўтамабіль 2014 выпуску, коштам блізу 31 тысячы еўра, нядаўна знік з пракату аўтамабіляў.
Кіроўца машыны затрыманы, яго падазраюць у парушэнні арт. 291 §1 КК Польшчы «Набыццё, дапамога ў продажы, прыняцце або дапамога ва ўтойванні рэчы, атрыманай злачынным шляхам».