Стоічкаў прэтэндуе на пасаду галоўнага трэнера зборнай Беларусі
3- 18.11.2014, 12:41
- 5,454
Лепшы футбаліст Еўропы-1994, балгарын Хрысто Стоічкаў з'яўляецца адным з кандыдатаў на пасаду галоўнага трэнера зборнай Беларусі.
Пра гэта паведамляе сайт football.by.
У гэты час Стоічкаў знаходзіцца ў нашай краіне, дзе напярэдадні таварыскага матчу зборных Беларусі і Мексікі працуе экспертам для мексіканскага тэлеканала «Univision Deportes». Учора ён наведаў трэніроўку беларускай каманды.
Адзначым, што Хрысто Стоічкаў завяршыў кар'еру гульца ў 2003 годзе. Быў трэнерам зборнай Балгарыі, гішпанскай «Сельты», паўднёваафрыканскага «Мамелодзі Сандаунз», балгарскіх «Літэкса» і ЦСКА.