З Малдовы выправадзілі «турыстаў Пуціна»
5- 18.11.2014, 14:15
- 15,770
Малдаўскія ўлады выправадзілі з краіны групу грамадзян Расеі і Украіны, якіх падазраюць у спробе дэстабілізацыі абстаноўкі.
Пра гэта гаворыцца ў апублікаванай сумеснай заяве Генеральнай пракуратуры і Службы інфармацыі і бяспекі краіны, паведамляе ТАСС.
«Група грамадзян, сярод якіх выхадцы з Малдовы, Расеі і Украіны, была затрыманая 14 лістапада ў падазрэнні ў планаванні дзеянняў ў дэстабілізацыі сацыяльна-грамадскай абстаноўкі і спробах паўплываць на выбарчую кампанію», - гаворыцца ў заяве.
Замежнікі былі абвешчаныя персонамі нон грата і высланыя з краіны ў панядзелак. Малдаўскія грамадзяне, якія праходзяць паводле гэтай справы, застаюцца на свабодзе. У ведамстве не сталі ўдакладняць агульную колькасць, а таксама імёны затрыманых.