Макарэвіч адсудзіў $10 тысяч у пуцінскага прапагандыста

Музыка Андрэй Макарэвіч адсудзіў 500 тысяч расейскіх рублёў у пісьменніка Аляксандра Праханава.

Пуцінскі прапагандыст сцвярджаў, што лідар «Машыны часу» выступаў перад украінскімі вайскоўцамі ў Славянску, паведамляе «Інтэрфакс». Сам Андрэй Макарэвіч, як і Аляксандр Праханаў, на пасяджэнне не з'явіліся.

Савелаўскі суд часткова задаволіў пазоў рок-музыкі, патрабаваўшага ў якасці кампенсацыі маральнай шкоды мільён рублёў. Звесткі, апублікаваныя Праханавым у артыкуле ў «Вестях», суд прызнаў несапраўднымі, якія закранулі гонар і годнасць Макарэвіча, і абавязаў газету надрукаваць тэкст судовай пастановы, піша Lenta.ru.

«Я аддам гэтыя грошы Доктару Лізе, яны пойдуць тым дзецям, для якіх я спяваў у Светлагорску», - паабяцаў Макарэвіч.

Нагодай да пазову стаў артыкул Праханава «Спевакі і падлы», апублікаваная ў газеце «Вести» 17 жніўня. Там сцвярджалася, што Макарэвіч даў канцэрт у Славянску перад украінскімі вайскоўцамі, тым самым «натхніўшы вайскоўцаў на забойства мірных жыхароў».

Выступ Макарэвіча 12 жніўня ў Святагорску выклікаў рэзкую крытыку, дэпутаты Дзярждумы прапаноўвалі пазбавіць музыканта ўсіх ганаровых званняў і ўзнагарод. У шэрагу гарадоў былі скасаваныя канцэрты і лекцыі Макарэвіча.