Васіль Уткін: Усё было добра і - бац, Ганчарэнку звальняюць

Расейскі каментатар мяркуе, што не было падстаў для звальнення беларускага трэнера з «Кубані».

Каментатар «НТВ-Плюс» Васіль Уткін у эфіры праграмы «Футбольны клуб» выказаў сваё стаўленне да адстаўкі Віктара Ганчарэнкі з пасады галоўнага трэнера «Кубані» і задаў пытанне гендырэктару клуба Яўгену Мураўёву, піша «Прессбол».

«Калі Ганчарэнка прыйшоў восенню мінулага года, ён быў трэцім трэнерам. Або шостым трэнерам за два гады. Усё было добра і бац, Ганчарэнку звальняюць. Не было падстаў для звальнення, ніякіх.

«Кубань» абурыла, што Леанід Слуцкі гнеўна выступіў супраць адстаўкі Ганчарэнкі. Нават нязвыкла для сябе палемічна. Сказаў, што не прафесіяналізм адхіляе футбалістаў і трэнераў, але чамусьці не функцыянераў. «Кубань» абурылася, якое, маўляў, ён мае права, трэнер іншага клуба...

«Кубань», ты наогул у розум увайдзі. Вы займаецеся публічнай дзейнасцю. Пра вас кожны можа сказаць што заўгодна, выказаць сваё меркаванне. Вы не ў ФСБ працуеце і не спецаперацыі праводзіце. Вы займаецеся футболам. Вы ва ўсіх на відавоку. Двухразовы чэмпіён Расеі апошніх гадоў, трэнер ЦСКА Леанід Слуцкі мае права ў кожным пытанні выказацца, калі ўважае гэта за неабходнае. Ён у гэтым разбіраецца. А вось, хто такі Яўген Мураўёў, я не ведаю. І з пункту гледжання футбола, я не разумею, чаму мяне павінна цікавіць яго меркаванне. Ён на гэта яшчэ не напрацаваў.

Я хачу спытаць у Яўгена Мураўёва: «Вось калі вы Яўген Мураўёў, гендырэктар «Кубані», мяркуеце, што нармальна наймаць трэнера сёмы раз за два з паловай сезоны, як жа вы не ўважаеце за ненармальнае, што ў нас губернатар да гэтага часу сядзіць на месцы? «Калі вы мяркуеце, што кіраўніка трэба мяняць так часта, Яўген Мураўёў. Вельмі цікава, выкажыце сваю пазіцыю. І як часта трэба мяняць гендырэктара? І спартовага дырэктара», - заявіў ён.