Прэзідэнт Чэхіі запрасіў Пуціна ў Прагу
29- 18.11.2014, 17:01
- 21,014
Мілаш Земан запрасіў прэзідэнта Расеі наведаць Прагу.
Пра гэта паведаміў прэс-сакратар прэзідэнта Чэхіі Іржы Оўчачэк, паведамляе "Украінская праўда".
Мілаш Земан запрасіў Уладзіміра Пуціна на мерапрыемствы, прысвечаныя 70-й гадавіне вызвалення канцэнтрацыйных лагераў у Асвенцыме (Польшча), якая будзе адзначацца 27 студзеня.
"Гэта міжнародная памяць пра Халакост. У Чэскай рэспубліцы мерапрыемства будзе арганізаванае вядучымі габрэйскімі арганізацыямі. Лагічна, што прэзідэнт запрасіў прадстаўнікоў дзяржаў-пераможцаў Другой сусветнай вайны", - сказаў прадстаўнік Зэмана.
Пры гэтым ён адзначыў, што яшчэ невядома, ці возьмуць удзел у мерапрыемствах запрошаныя кіраўнікі ЗША, Вялікай Брытаніі, Расеі і Францыі.
Нагадаем, у панядзелак увечары ў Празе мітынгоўцы асвісталі і закідалі яйкамі прэзідэнта Чэхіі Мілаша Зэмана, вядомага сваімі пракрамлёўскімі і антыўкраінскімі поглядамі.