Пацыентам завядуць электронныя карткі

У Беларусі з'явяцца электронныя медыцынскія карткі і электронны рэцэпт.

У многіх паліклініках ўжо створаныя, у іншых ствараюцца электронныя амбулаторныя карты гісторыі хваробы пацыента. Іх дублікаты на папяровых носьбітах у мэтах бяспекі пакуль застануцца. Увядзенне электроннага рэцэпту ўпіраецца ў праблему сістэмы абароны інфармацыі, паведамляе БелаПАН.

Паводле стану на 1 ліпеня 2014 года агулам у Беларусі 78,2% устаноў аховы здароўя абсталяваныя кампутарамі і маюць лакальныя вылічальныя сеткі. З улікам таго, што поўная інфарматызацыя паліклінікі патрабуе значных фінансавых выдаткаў, у першую чаргу ствараюцца такія ключавыя падсістэмы і аўтаматызаваныя працоўныя месцы, як «Рэгістратура», «Статыстыка», «Дыспансерызацыя» на базе лакальных вылічальных сетак. Гэтымі сістэмамі абсталяваныя ўсе ўстановы аховы здароўя.