Пуцін: Падзенне рубля непазбежнае
48- 18.11.2014, 20:33
- 60,181
Прэзідэнт Расеі Уладзімір Пуцін назваў непазбежным падзенне рубля на фоне падзення коштаў на энерганосьбіты.
Пра гэта ён сказаў на форуме Аб'яднанага народнага фронту, піша УНІАН.
«Маючы на ўвазе аднабокасць развіцця нашай эканомікі, усё-ткі пра гэта трэба проста казаць, далейшае падзенне коштаў на энерганосьбіты цісне на курс і ён (рубель) прадаўжае таннець у адносінах да даляра і еўра. Гэта непазбежная рэч, іншы шлях - гэта шлях адміністрацыйнага рэгулявання, парушае асноўныя эканамічныя законы функцыянавання эканомікі і валютнай сферы», - сказаў Пуцін.
Паводле ягоных слоў, сітуацыя, якая склалася на рынку сыравіны, ад якой РФ атрымлівае асноўныя даходы, адразу цісне на курс у бок паніжэння.
Нагадаем, ЕЗ, ЗША, Канада, Японія, Аўстралія і шэраг іншых краін увялі супраць Расеі тры этапы санкцый.